FEDERACION ESPAÑOLA DE MUNICIPIOS Y PROVINCIAS
O Injuve e a FEMP destinan 300.000 euros a políticas locais de xuventude
O Director Xeral do Instituto da Xuventude (Injuve), do Ministerio de Sanidade, Política Social e Igualdade, Gabriel Alconchel, e a Secretaria Xeral da FEMP, Isaura Leal, asinaron hoxe un convenio de colaboración para o desenvolvemento das actuacións dirixidas ás e os mozos no ámbito local.
Con este acordo, dotado de 300.000 euros, o Injuve e a FEMPabrirán unha convocatoria aos Concellos para financiar políticas locais de xuventude en tres temas:
- Programas de prevención da violencia de xénero, dirixidos a promover novos modelos de masculinidade entre os e as mozas.
- Programas de saúde, dirixidos á prevención de embarazos non desexados en adolescentes e novos.
- Programas de emancipación xuvenil, dirixidos á inserción laboral dos e as mozas.
Priorizarase a concesión a aqueles Concellos que non recibisen axudas do Injuve e da FEMP con anterioridade.
O director xeral do Injuve, Gabriel Alconchel, sinalou que "co financiamento destes proxectos dende o Goberno de España facemos unha aposta pola administración local como a institución que está máis preto do mozo, por axudar aos concellos a poñer en marcha programas dirixidos a mellorar a vida da xente nova, para que sexan mellores cidadáns, teñan valores cívicos positivos e poidan mirar ao futuro con máis esperanza e mellores expectativas laborais".
Gabriel Alconchel recordou que en 2010 se presentaron a esta convocatoria 474 concellos, resultando seleccionados finalmente 166 programas. "Calculamos que nestes programas participaron máis de 200.000 mozos e financiamos proxectos novidosos a concellos que non recibiran nunca o noso apoio".
A Secretaria Xeral da FEMP, Isaura Leal, recordou a colaboración permanente desta Federación co Goberno en materia de xuventude e, en concreto, o convenio asinado o pasado ano co Injuve, para a prevención da violencia de xénero, a promoción da saúde e o apoio á emancipación xuvenil, que serve de referencia ao novo acordo asinado hoxe.
Isaura Leal tamén destacou o papel dos municipios no desenvolvemento e aplicación de políticas integrais de xuventude, esenciais e determinantes para conseguir a emancipación dos máis novos, a súa integración social e a súa participación na vida pública.
