FEDERACION ESPAÑOLA DE MUNICIPIOS Y PROVINCIAS
Tokiko gobernuek aho batez babesa eman diote finantza publikoen iraunkortasunerako akordioari
Tokiko gobernuek aho batez babestu dituzte finantza publikoen iraunkortasunerako 2010-2013 aldirako akordioa eta ekitaldi horietarako defizit ildoa, Toki Administrazioaren Batzorde Nazionaleko (CNAL) Ekonomia, Finantza eta Zerga Araubidearen Azpibatzordeak gaur egindako bilkuran.
Toki erakundeen ordezkariak neurri horien alde agertu dira gainerako administrazio publikoekiko eta herrialde osoarekiko duten erantzukizun eta konpromisoagatik, guztien ahalegina eta laguntza beharrezkoak diren garaian.
Ministroen Kontseiluak joan den maiatzaren 20an onetsi du finantza publikoen iraunkortasunerako akordioa egitea toki korporazioekin. Bertan defizit ildo hau aurreikusten da toki erakundeentzat, oro har: 2009ko ekitaldirako %0,5ekoa, 2010erako %0,6koa, 2011rako %0,8koa, 2012rako %0,3koa eta 2013rako %0,2koa.
Akordioak dioenez, halaber, toki erakundeek 200 milioi euro gehiagoko murrizketa hartuko dute euren gain 2011ko ekitaldirako.
