FEDERACION ESPAÑOLA DE MUNICIPIOS Y PROVINCIAS
O Goberno aproba novas medidas de redución de cargas administrativas
O Consello de Ministros aprobou un novo bloque de medidas para a redución das cargas administrativas. É o quinto acordo deste tipo que aproba o Goberno dende 2008 e nesta ocasión está dirixido de forma exclusiva a aliviar os trámites que deben realizar de forma cotiá os cidadáns.
Trátase de catorce actuacións que van representar un aforro estimado de 510,7 millóns de euros. Entre outras, mellóranse os trámites nas prestacións de maternidade e paternidade, ademais de facilitar a obtención por internet de información do Catastro ou o Rexistro Civil. Tamén se poderán solicitar electronicamente os certificados de actos de última vontade ou a Tarxeta Sanitaria Europea para os mutualistas de MUFACE.
A posta en marcha das novas iniciativas aprobadas hoxe polo Consello de Ministros, que se desenvolverán ao longo deste ano e de 2012, implican aos Ministerios de Xustiza, Traballo e Inmigración, Economía e Facenda, e de Política Territorial e Administración Pública.
Con este acordo son xa 261 as iniciativas postas en marcha polo Goberno dende a aprobación en 2008 do Plan de Acción para a Redución de Cargas Administrativas, cun aforro global de 4.831 millóns de euros. Na súa maior parte beneficiáronse as empresas, que puideron evitarse máis de 2.560 millóns de euros en custos de constitución e funcionamento, para concentrar os seus recursos en modernizarse, fortalecer a súa competitividade e crear emprego.
Pola súa banda, as actuacións dirixidas de forma exclusiva aos cidadáns representan un aforro de 1.800 millóns de euros, mentres hai un terceiro bloque de medidas que axudou tanto a empresas coma á cidadanía en xeral e que tivo un impacto económico superior aos 470 millóns de euros.
Estes datos corresponden ás iniciativas postas en marcha unicamente no ámbito da Administración Xeral do Estado, ás que haberá que sumar as desenvolvidas polas Comunidades Autónomas e os Concellos, cos que o Ministerio de Política Territorial subscribiu distintos convenios de colaboración.
A posta en marcha das novas iniciativas aprobadas hoxe polo Consello de Ministros, que se desenvolverán ao longo deste ano e de 2012, implican aos Ministerios de Xustiza, Traballo e Inmigración, Economía e Facenda, e de Política Territorial e Administración Pública.
Con este acordo son xa 261 as iniciativas postas en marcha polo Goberno dende a aprobación en 2008 do Plan de Acción para a Redución de Cargas Administrativas, cun aforro global de 4.831 millóns de euros. Na súa maior parte beneficiáronse as empresas, que puideron evitarse máis de 2.560 millóns de euros en custos de constitución e funcionamento, para concentrar os seus recursos en modernizarse, fortalecer a súa competitividade e crear emprego.
Pola súa banda, as actuacións dirixidas de forma exclusiva aos cidadáns representan un aforro de 1.800 millóns de euros, mentres hai un terceiro bloque de medidas que axudou tanto a empresas coma á cidadanía en xeral e que tivo un impacto económico superior aos 470 millóns de euros.
Estes datos corresponden ás iniciativas postas en marcha unicamente no ámbito da Administración Xeral do Estado, ás que haberá que sumar as desenvolvidas polas Comunidades Autónomas e os Concellos, cos que o Ministerio de Política Territorial subscribiu distintos convenios de colaboración.
