FEDERACION ESPAÑOLA DE MUNICIPIOS Y PROVINCIAS
Conferencia Sectorial do Emprego: 1.500 promotores para fomentar o investimento e a creación de emprego
A Conferencia Sectorial de Emprego, celebrada hoxe na sede do Ministerio de Traballo, con asistencia de representantes do Goberno, as Comunidades Autónomas e a FEMP, estudou, entre outras cousas, o Decreto de Regulación das Axencias Privadas de Colocación, así como a próxima contratación de 1.500 promotores de emprego contemplada no Real Decreto-Lei de actuacións no ámbito fiscal, laboral e liberizadoras para fomentar o investimento e a creación de emprego.
O Ministro de Traballo, Valeriano Gómez, subliñou, ao termo da Conferencia Sectorial, que o Goberno aposta "por unha política activa de emprego máis intensa e máis importante nas Comunidades Autónomas que acurte o tempo de permanencia no desemprego".
Gómez adiantou que teremos aínda en xaneiro unha nova Conferencia Sectorial para analizar o papel das políticas activas, para ultimar o conxunto da nova Axenda Social no ámbito da política activa de emprego e procederemos tamén á repartición dos practicamente 7.500 millóns de euros que durante o próximo ano a política de emprego destinará ás súas accións no conxunto das CCAA".
"O que imos facer", explicou o ministro, "é reordenar, redistribuír os fondos dispoñibles das políticas activas".
Valeriano Gómez sinalou que as políticas activas abranguen a formación profesional dos ocupados e dos desempregados, a contratación en programas que mesturan emprego e formación, como as Escolas Taller, como os convenios que vinculan tamén ao Servizos Público Emprego con Concellos e corporacións locais, é dicir, "que hai unha importante cantidade de fondos cuxa redistribución debe permitir ter unha oferta de servizos que nunca poderá ser a mesma que a que se desenvolverá ata o 15 de febreiro no ámbito da política de protección, para entendernos, no antigo PRODI,".
Será, continuou Valeriano Gómez, unha oferta de servizos que permitirá ás CCAA "ofrecer accións intensas de formación profesional na que participen os desempregados que consumiron xa todas as súas prestacións, mesmo serán tamén ofertas que permitirán algún tipo de axuda económica; pero é moi importante saber que a política activa é unha política de activación de desempregados, de participación en accións de formación, de participación en accións de inserción".
Por outra parte, o ministro asegurou que "España non ten unha prestación por desemprego escasa, senón que ten un nivel equiparable aos países desenvolvidos neste momento", e engadiu que temos 24 meses da prestación contributiva, entre 18 e mesmo un nivel indefinido de duración do subsidio cando se trata de desempregados de maior idade. As nosas prestacións son suficientes, duran o suficiente e son prestacións nas que a sociedade está a facer un enorme esforzo".
Por último, o titular de Trabajo referiuse a que este ano España gastará o 3% do seu PIB a protexer aos seus desempregados: "É un nivel dos máis altos da Europa desenvolvida, pero este esforzo ten que ter contrarréplica por parte dos desempregados: formándose, mellorando as súas capacidades e calidades,".
