FEDERACION ESPAÑOLA DE MUNICIPIOS Y PROVINCIAS
Acordo para impulsar a acción dos Gobernos Locais Intermedios en Europa, a través de CEPLI
Os representantes de Gobernos Locais Intermedios europeos, reunidos en Berlín, chegaron a un acordo para consolidar e impulsar os traballos da organización que lles representa, a CEPLI, e lograr que a súa interlocución sexa determinante na cohesión territorial europea.
Os acordos adoptados pola Confederación Europea de Poderes Locais Intermedios (CEPLI), da que é un dos seus Vicepresidentes Antoni Fogué, Presidente da Deputación Provincial de Barcelona, foron adoptados por unanimidade e supoñen, entre outros logros, a consolidación dos seus órganos de goberno. En concreto, unha das medidas aprobadas foi a rotación de cargos por un mandato anual, que afectan á Presidencia, a Vicepresidencia Primeira e a Secretaria Xeral.
A FEMP seguirá representada ao máis alto nivel en CEPLI por Antoni Fogué, nunha das Vicepresidencias. O Presidente da Deputación de Barcelona destacou a capacidade de liderado da representación española á hora de defender o papel dos Gobernos Locais en Europa.
Precisamente, sobre algunhas medidas que se están a adoptar en determinados países comunitarios, Fogué afirmou que a crise económica non pode ser o argumento que se utilice para "recentralizar" o Estado e eliminar estruturas intermedias. "Isto supoñería -dixo- ir en contra da esencia do Tratado de Lisboa, que se basea nos principios de subsidiariedade e de autonomía local,". Por iso, defendeu ante os seus compañeiros de CEPLI que a solución pasa por mellorar a cooperación entre os distintos niveis de Administración.
A FEMP forma parte da CEPLI, xunto a outras entidades e asociacións de gobernos intermedios de Francia, Alemaña, Italia, Bélxica, Bulgaria, Grecia, Romanía, Polonia e Hungría, ademais doutros membros como a asociación Arco Latino e a Rede Partenalia. O obxectivo de todos eles é converterse nun interlocutor recoñecido entre as institucións nacionais e as europeas.
