FEDERACION ESPAÑOLA DE MUNICIPIOS Y PROVINCIAS
Kataluniako udalerriek Gobernuari krisitik irteteko laguntza eskaini
Federació de Municips de Catalunya delakoak (FMC) eta Asociació Calana de Municips i Comarques delakoak (L´ACM) adierazi dute prest daudela Gobernuari krisi ekonomikoaren aurka borrokatzen laguntzeko, eta esan dute prest daudela irtenbidera iritsi ahal izateko politikak egiteko, berdintasun-irizpideak erabiliz, eta, batez ere, gizarte-kohesioa eta elkar-bizitza lortzearren.
Halaxe esan du FMCeko federazioko lehendakariak, Manuel Bustos Sabadellgo alkateak, Catalunyako Udalen Biltzarrean denek batera ebazpen bat onartu ondoren. Biltzar horretan bi elkarteak daude sartuta.
Ebazpenak dio Catalunyako alkateek Gobernuari kontsentsua aurkitzen laguntzeko gogotsu daudela, ekonomia piztu behar horretan udalek lan handia egiten dutela eta lan hori gobernuaren esku uzteko prest daudela.
Catalunyako Udalen Biltzarrak beste gauza bat ere adierazi du: udaletako finantzak oso gaizki daudela, eusten ere nahiko lan badutela, eta, horregatik, estatuko gobernuari eta Generalitateari esan nahi diote Finantzaketa Legea behar dugula, berehala behar dugula, eta, horretarako, tokiko gobernuekin akordio batera iritsi behar dutela.
