FEDERACION ESPAÑOLA DE MUNICIPIOS Y PROVINCIAS
Droga Eskariaren Murrizketaren aldeko Hirien EU-LAC Aliantza sortu da
Udal-eremuan drogen eta alkoholaren kontsumoa prebenitzeko politika publikoak, planak eta ekintzak, eta drogen mendeko diren pertsonen tratamendua eta haien gizarteratzea sustatzea, horiexek dira Droga Eskariaren Murrizketaren aldeko Hirien EU-LAC (Europar Batasuna-Latinoamerika eta Karibe) Aliantzaren helburu nagusiak. Aliantza hori, hain zuzen ere, Lugon sortu zen, Drogen aurkako Alkateen eta Hirien Gailurra egin ondoren.
EU-LAC Aliantza, gainera, drogen eskaria murrizteko esperientziak trukatzera engaiatzen da, ebidentzia zientifikoetan oinarrituta badaude, betiere gizabanakoen giza eskubideak errespetatuta.Horrela jasota geratu da hitzez hitz drogen erabileraren eta mendekotasunaren prebentzioari eta tratamenduari buruzko Lugoko Adierazpenaren testuan; amaierako dokumentu horretan, Aliantza sortzearekin batera, gailur horretan parte hartu duten tokiko arduradunek eta adituek egindako lanaren ondorioak jasotzen dira. Droga-mendekotasunaren tratamenduaren gaineko politikei buruzko esperientziak eztabaidatu eta partekatu dituzte Lugon, hiru egunean zehar.Adierazpena, gailurraren itxiera-ekitaldian aurkeztu da, Ingurumenaren eta Landa eta Itsas Ingurunearen ministroa, Elena Espinosa, buru zela.
Europako, Latinoamerikako eta Karibeko berrogei hiri baino gehiagoko ordezkariek beren aintzatespena erakusten diote ekimenean EU-LAC (hirien aliantza droga-tratamenduan) ekimenari. EBk babesten duen ekimen horrek, azkeneko hiru urteetan zehar, hirietako drogen kontsumoaren eta abusuaren prebentzioko eta tratamenduko politikak eta programak hobetzea ahalbidetu du.Ekimen horren esparruan garatu den lanak, hain zuzen ere, aukera eman die tokiko arduradunei egiaztatzeko droga-eskaria murrizteko politikak eta programak zabalak eta epe luzekoak izan behar direla, eta bizi-estilo osasungarrien sustapena eransteko, hala nola drogen erabileraren eta abusuaren prebentziokoak, drogen mendeko diren pertsonen tratamendu eta birgaitzekoak, bai eta komunitatearen barruan suspertzeko laguntza-zerbitzuen eskaintzakoak ere.
Baieztatu egiten da, orobat, nolako garrantzia duen drogen mendeko diren pertsonen tratamendua eta birgaitzea, udalaren eremuan, sustatzeak.Drogei buruzko politikei dagokienez, adierazpenak azpimarratzen du ebidentzia zientifikoan oinarrituta egon behar direla:“Ebidentzia horrek erakusten digu drogekiko mendekotasuna gaixotasun kronikoa eta errepikakorra dela, eta arreta behar duela osasunaren arloko profesionalen aldetik, bai eta babesa ere, hiriek eta hirietako erakundeek herritarren eskueran jartzen dituzten gizarte-zerbitzu eta ongizate-zerbitzuetatik”.
