FEDERACION ESPAÑOLA DE MUNICIPIOS Y PROVINCIAS
30 cidades españolas recibiron o distintivo Cidade da Ciencia e Innovación
que outorga o Ministerio de Ciencia e Innovación, co que se lles recoñece o importante esforzo e compromiso que viñeron desempeñando coa I+D+i e a súa contribución dende a esfera local ao cambio de modelo produtivo
Este distintivo recoñece trinta municipios, en tres categorías, segundo o número de habitantes. A distinción obtense para un período de tres anos que se renova ou non en función das actuacións das cidades nese período. Durante este, contarán cunha serie de beneficios no marco das políticas de I+D+i ao pasar a formar parte da Rede de Cidades da Ciencia e a Innovación (Rede INNPULSO). Con esta iniciativa ofrécese unha oportunidade única para reforzar e fomentar a ciencia e a innovación española actuando dende o ámbito local.
Nesta primeira edición, concedeuse a distinción "Cidade da Ciencia e a Innovación" a aqueles Concellos que demostraron un maior compromiso en proxectos innovadores con cargo ao Fondo Estatal para o Emprego e a Sostibilidade Local. A avaliación dos candidatos contou tamén coa colaboración do Ministerio de Política Territorial.
Os investimentos realizados polos concellos en materia de I+D+i con cargo a este Fondo xestionado polo Ministerio de Política Territorial alcanzaron os 916 millóns de euros distribuídos nun total de máis de 7.650 proxectos (30,1% do total de proxectos).
Seleccionáronse 10 concellos de cada unha das tres categorías existentes para recoñecer o esforzo innovador (ver recadro)
Os proxectos de innovación que se consideraron abranguen parques empresariais, parques científicos e tecnolóxicos, centros de coñecemento e viveiros de empresa, así como os destinados a mellorar a economía verde, a promover a innovación na economía da saúde e asistencial, a modernización da administración municipal, os centros de cultura e divulgación científica-tecnolóxica, etc.
A principios de 2011 está previsto o acto de entrega dos galardóns que terá lugar en Madrid e que contará coa presenza de Sus Altezas Reales los Príncipes de Asturias.
Rede de "Cidades da Ciencia e a Innovación" (rede INNPULSO)
Os Concellos que foron galardoados con este distintivo pasan a formar parte da "Rede de Cidades da Ciencia e a Innovación" (rede INNPULSO), -segundo o acordado o pasado día 8 de outubro en Consello de Ministros-, onde se potenciará a relación entre os concellos e a realización de proxectos de colaboración.
Trátase dunha rede permanente, con vocación de crecer, e demostra que que o cambio de modelo xa comezou, e os concellos van xogar un papel decisivo nel.
Formar parte desta rede leva consigo unha serie de beneficios no marco das políticas de I+D+i e de desenvolvemento local:
Autorización para o uso da distinción na comunicación e promoción da cidade, tanto a nivel nacional e internacional.
. Fomento e impulso de proxectos colaboradores entre os municipios que se integren na Rede de Cidades da Ciencia e a Innovación.
. Integración da Rede como entidade de referencia dentro do Grupo de traballo MICINN-MITYC sobre turismo científico.
. Promoción internacional das Cidades da Ciencia e a Innovación en eventos internacionais relacionados con I+D+i e o desenvolvemento baseado no coñecemento.
. Consideración preferente destas cidades para a situación de instalacións científicas e tecnolóxicas de titularidade ou participación estatal, así como para situar nodos da rede do MICINN de Puntos de Información sobre I+D+i, (rede PIDI).
. Priorización destas cidades como lugares preferentes para organizar as reunións do departamento coas Comunidades Autónomas e outros axentes do sistema de I+D, así como para a celebración de congresos e seminarios dos seus Organismos Públicos de Investigación.
