FEDERACION ESPAÑOLA DE MUNICIPIOS Y PROVINCIAS
Xa están en execución o 81,4% dos proxectos do FEESL
O 81,4% dos 30.563 proxectos presentados, dentro do novo Fondo Estatal para o Emprego e a Sostibilidade Local de 2010, encóntranse xa en execución, despois de que os Concellos aprobasen a adxudicación de 24.882 iniciativas
As actuacións xa adxudicadas supoñen un presuposto global de 3.325,4 millóns de euros e permitiron ata a data crear ou manter 210.963 postos de traballo, segundo os datos proporcionados polos concellos ao Ministerio de Política Territorial e dos que informou o vicepresidente terceiro do Goberno, Manuel Chaves.
Os proxectos adxudicados correspóndense con:
853,5 millóns de euros (25,6%) dirixidos a 9.793 proxectos de sostibilidade económica: innovación, novas tecnoloxías, promoción da actividade empresarial, administración electrónica ou enerxías limpas.
825,1 millóns de euros (24,8%) para 4.685 proxectos de sostibilidade ambiental: mellor uso da auga, xestión de residuos, transporte menos contaminante ou protección forestal.
1.646,7 millóns de euros (49,5%) para 10.404 proxectos de sostibilidade social: centros educativos, sociais, sanitarios, culturais ou deportivos; atención á dependencia, eliminación de barreiras arquitectónicas; e outros servizos sociais.
Destas iniciativas adxudicadas, o 92% recibiu xa do Ministerio de Política Territorial o anticipo do 85% do seu custo total, dirixido a financiar o inicio dos traballos. O resto das iniciativas encóntrase en trámite de pagamento, unha vez recibido por parte do concello o certificado de adxudicación. Tal e como marca o Decreto Lei que regula o Fondo, o 15% final do custo do proxecto abóase unha vez finalizados os traballos
